“Onlar mənim medalımı götürə bilərlər” – Klopp

Bir neçə gün əvvəl çempionluğunu rəsmiləşdirən “Liverpul”un baş məşqçisi Yurgen Klopp açıqlama verib.

Komanda.az İngiltərə mətbuatına istinadən xəbər verir ki, alman mütəxəssis, bəzi futbolçuların çempionluq medalı ala bilməməsi barədə danışıb:

“Bu fikrin kimin olduğunu bilmirəm, amma bunun yaxşı qayda olduğunu düşünmürəm. Futbolçu sadəcə bir oyun keçirsə belə, medal sahibi olmalıdır. İnsanlar çempionluq qazanmaq üçün bütün komandanın nə qədər vacib olduğunu bilir. İldə beş milyon dəfə məşq edirik. Yüksək səviyyədə məşq etməsələr, çempionluq qazanmaq şansımız olmaz. Bu futbolçular yüz faiz medal alacaqlar. Onlar mənim medalımı götürə bilərlər. Komandanın bir parçası olan hər kəs medala layiqdir”.  

Premyer Liqadakı qaydalara görə, çempion olan komandanın futbolçusu medal almaq üçün mövsüm ərzində azı 5 oyun keçirməlidir. Bu qaydaya görə, “Liverpul”un üç futbolçusu – Neco Villiams, Kurtis Cons və Harvi Elliot qızıl medal ala bilməyəcək.