“Onlar Çempionlar Liqasını qazanmağa layiqdirlər” – Mourinyo

UEFA Çempionlar Liqasının 1/8 final mərhələsinin cavab oyunları çərçivəsində səfərdə “Leyptsiq”lə qarşılaşacaq “Tottenhem”in baş məşqçisi Joze Mourinyo açıqlama verib.

Komanda.az İngiltərə mətbuatına istinadən xəbər verir ki, portuqaliyalı mütəxəssis, London klubu ilə titul qazanmaq niyyətində olduğunu bildirib:

“Üç, ya dörd aydır ki, burdayam. Komandanı çox pis vəziyyətdə olarkən qəbul etdim. İndi də qarşılaşdığımız problemlərə görə çətin vəziyyətdəyik, amma futbolçulara, kluba inanıram. Qalib gələcək adam mən deyiləm, sadəcə futbolçulara və komandaya bunu etməkdə kömək edirəm. Çox yaxşı komandamız var. Futbolçular əllərindən gələni edirlər. Onlar Çempionlar Liqasını qazanmağa layiqdirlər. Amma bəzən futbolda layiq olmadığınız hallarla üzləşirsiz.

“Tottenhem”in titul qazanmadığım yeganə klub olmayacağına inanıram. Hər klubda titul qazanmışam və “Tottenhem”lə də bunu bacaracağıma inanıram”.

“Leptsiq” – “Tottenhem” oyunu bu gün, saat 00:00-da start götürəcək. İlk oyun almanların minimal hesablı qələbəsi ilə yekunlaşmışdı.