“Ondan istifadə edə bilməməyimiz məyusedicidir” – “Nyukasl”ın baş məşqçisi

“Nyukasl”ın baş məşqçisi Eddi Hou mərc oynadığı üçün 10 aylıq cəza alan yarımmüdafiəçi Sandro Tonalinin vəziyyəti ilə bağlı açıqlama verib.

Komanda.az xarici KİV-ə istinadən xəbər verir ki, 46 yaşlı mütəxəssis italiyalı futbolçunun çoxlu məşqlər etdiyini bildirib:

“Sandro çox yaxşı məşq edir, ona görə də, ondan istifadə edə bilməməyimiz daha da məyusedicidir. Bu, yəqin ki, onda gördüyümüz ən yaxşı məşqdir. O, situasiyanın öhdəsindən çox yaxşı gəlir, deyərdim ki, bu, onun xarakterinin fərqli xüsusiyyətidir”.

Oktyabrda italyan futbolçu qanunsuz mərc oynadığına görə 10 aylıq diskvalifikasiya edilib. Tonali indi İngiltərə Premyer Liqasında mövsümün qalan hissəsini, eləcə də 2024-cü il Avropa çempionatını buraxacaq.