Olmonun zədədən qayıdacağı vaxt bəlli olub

“Barselona”nın yarımmüdafiəçisi Dani Olmo zədəsini sağaltmaqda davam edir.

Komanda.az xarici KİV-ə istinadən xəbər verir ki, 26 yaşlı futbolçunun “Sevilya” ilə oyuna kimi tam sağalacağı gözlənilir. Qarşılaşma oktyabrın 20-də baş tutacaq.

İspaniyalı futbolçu sentyabrın 15-də, “Jirona” ilə baş tutan və “Barsa”nın 4:1 hesablı qələbəsi ilə yekunlaşan matçda zədələnib. Hans-Diter Flikin komandası “Sevilya” ilə oyundan öncə, oktyabrın 6-da səfərdə “Alaves”lə qarşılaşacaq.

Olmo bu yay “Leyptsiq”dən “Barselona”ya keçib. O, zədədən əvvəl Kataloniya nəhənginin heyətində keçirdiyi 3 matçda 3 qol vurmağı bacarıb.