Olmonun qayıdacağı vaxt bəlli olub

“Barselona”nın yarımmüdafiəçisi Dani Olmonun meydana qayıdışının dəqiq tarixi məlum olub. O, hazırda zədəsini sağaldır.

Komanda.az “Diario Sport”-a istinadən xəbər verir ki, kataloniyalılar heç bir riskə getmək istəmir və bu səbəbdən, aprelin 26-da keçiriləcək Kral kubokunun finalına qədər Olmodan istifadə etməyi planlaşdırmır.

Ölkə kubokunun finalında “Barselona”nın rəqibi “Real” olacaq. Bu matça qədər Hans-Diter Flikin komandasının hələ dörd oyunu var.

Olmo bu mövsüm bütün turnirlərdə 28 oyun keçirib, 8 qol vurub və 5 məhsuldar ötürmə edib.