“İnanıram ki, Olmo uzun illər “Barselona”da olacaq”

“Barselona”nın yarımmüdafiəçisi Dani Olmonun agent Endi Bara bildirib ki, müştərisi Kataloniya klubunda qalmaq istəyir.

Komanda.az xarici KİV-ə istinadən xəbər verir ki, ispaniyalı futbolçunun agenti “Barselona” rəhbərliyinə hörmət etdiklərini söyləyib:

“Biz yayda Olmonu almaq üçün çox şey edən “Barselona” rəhbərliyinə hörmət edirik. Buradakı layihəni bəyənirik, bu komanda gələcəkdə dünyanın ən yaxşılarından birinə çevrilə bilər. “Barselona”nın Lionel Messi dövründə olduğu kimi, yaxın gələcəkdə də bütün titulları qazanacağına əminik. Mən, ailəm və Olmonun özü – hamımız onun “Barselona”da oynamasını istəyirik. İnanıram ki, kataloniyalılar problemi həll edə biləcək və o, uzun illər burada olacaq”.

26 yaşlı yarımmüdafiəçi İspaniya çempionatının cari mövsümündə 11 oyun keçirib, 5 qol vurub.