“Barselona”nın yeni transferi bu gün debüt edə bilər

Bu yay “Leyptsiq”dən “Barselona”ya keçən yarımmüdafiəçi Dani Olmo La Liqanın 2-ci turunda “Atletik”lə oyun üçün komandanın heyətinə daxil edilib.

Komanda.az xəbər verir ki, bu barədə “Mundo Deportivo” nəşri məlumat yayıb.

Olmo Kataloniya klubuna yeni qoşulanda qeydiyyata alınmamışdı. Bu səbəbdən də, o, açılış turunun “Valensiya” ilə oyununda iştirak etməmişdi.

“Barselona” 26 yaşlı yarımmüdafiəçini 55 milyon avroya alıb. İspaniyalı futbolçu kataloniyalılarla 6 illik müqavilə imzalayıb.

“Barselona” – “Atletik” matçı bu gün keçiriləcək.