“Olimpiakos”a azarkeşlərlə bağlı məhdudiyyət qoyuldu – “Qarabağ”la oyunda

UEFA “Qarabağ”la Avropa Liqasının qrup mərhələsinin 3-cü tur oyununda Yunanıstanın “Olimpiakos” klubuna azarkeşlərlə bağlı məhdudiyyət qoyub.

Komanda.az UEFA-nın saytına istinadən xəbər verir ki, buna azarkeşlərin “Frayburq”a 0:3 hesabı ilə uduzduqları 2-ci tur matçında pirotexniki vasitələrdən istifadə etməsi səbəb olub.

“Olimpiakos” buna görə 50 min avro məbləğində cərimələnib. UEFA-nın qərarına əsasən, “köhlən atlar”la oyunda şimal tribunasına azarkeş buraxılmayacaq.

Həmçinin, “Olimpiakos” Frayburq”la matçda ictimai keçidləri bağladığına görə daha 8 min avro ödəməli olacaq.

Oktyabrın 6-da “Georgios Karaiskakis” stadionunda keçiriləcək “Olimpiakos” – “Qarabağ” matçı saat 23:00-da başlayacaq.