“Olimpiakos” – “Qarabağ” matçının hakimləri açıqlanıb

Yunanıstanda “Olimpiakos”la “Qarabağ” arasında keçiriləcək UEFA Avropa Liqası oyununun təyinatları məlum olub.

Komanda.az xəbər verir ki, oyun Rumıniyadan olan hakimlər briqadasına tapşırılıb.

Baş hakim Radu Petresku olacaq. FİFA referisinə Radu Qinquleaç və Mirça Mihail Qriqoriu kömək göstərəcəklər. Dördüncü hakim funksiyasını Marsel Birsan yerinə yetirəcək. VAR-da Katalin Popa, AVAR-da Sebastyan Koltesku əyləşəcək.

Liqa mərhələsinin 8-ci turunda, yanvarın 30-da baş tutacaq “Olimpiakos” – “Qarabağ” oyunu saat 00:00-da start götürəcək.