“Olimpiakos” Marselodan narazıdır

Yunanıstanın “Olimpiakos” klubu braziliyalı futbolçu Marselonun uzun müddət zədəsini bərpa edə bilməməsindən narazıdır.

Komanda.az “FootMercato”-ya istinadən xəbər verir ki, 34 yaşlı müdafiəçinin bu mövsüm hər matçda 30 dəqiqədən artıq oynaya bilməməsi klub rəhbərliyinin narazılığına səbəb olub.

Marselo bu mövsüm 5 matçda (ümumilikdə 121 dəqiqə) meydana çıxıb və qol vurmayıb.

Braziliyalı müdafiəçi sentyabrda “Olimpiakos”a qoşulub və klubla 2023-cü ilin yayına qədər müqavilə imzalayıb.