Okan Buruk Türkiyə futbol tarixinə düşüb

“Qalatasaray”ın baş məşqçisi Okan Buruk Türkiyə Super Liqasının tarixinə düşüb.

Komanda.az Türkiyə mətbuatına istinadən xəbər verir ki, 50 yaşlı mütəxəssis ölkə çempionatında ardıcıl 15 ev matçında qalib gələn ilk türkiyəli mütəxəssis olub. Burukun baş məşqçisi olduğu İstanbul təmsilçisi son olaraq 23-cü turda doğma meydanda “Qaziantep”ə 2:1 hesabı ilə qalib gəlib.

“Cim-Bom” Super Liqada 60 xalla 2-ci pillədə qərarlaşıb. Lider “Fənərbaxça”nın da eyni xalı var.

Buruk 2022-ci ilin iyunundan “Qalatasaray”ı çalışdırır.