Oblak Qodinin rekordunu təkrarladı

“Atletiko” İspaniya La Liqasının 27-ci turunda “Betis”i məğlub edib (1:0).

Komanda.az xarici KİV-ə istinadən xəbər verir ki, bu qarşılaşma “hindular”ın qapıçısı Yan Oblak üçün əlamətdar olub. O, Madrid təmsilçisinin heyətində 389-cu matçına çıxıb.

Beləliklə, sloveniyalı qolkiper paytaxt klubunun sabiq futbolçusu Dieqo Qodinin rekordunu təkrarlayıb.

“Atletiko” hazırda İspaniya çempionatının turnir cədvəlində 54 xalla üçüncü pillədədir.