“Atletiko”nun qapıçısı Ronaldonun klubuna keçə bilər

“Atletiko”da çıxış edən qapıçı Yan Oblak bu mövsümün sonunda klubunu tərk edə bilər.

Komanda.az “Todofichajes” portalına istinadən xəbər verir ki, sloveniyalı qolkiperin karyerasını Səudiyyə Ərəbistanı çempionatında davam etdirmək variantı var. 

Formasını portuqaliyalı futbolçu Kriştiano Ronaldonun da geyindiyi “Əl-Nəsr” Oblakın transferinə maraq göstərir. Səudiyyə Ərəbistanı klubu Oblakla iki illik müqavilə bağlamağı planlaşdırır. Qolkiperin transfer məbləği 30 milyon avro qiymətləndirilir.

Oblak La Liqanın bu mövsümündə 37 oyun keçirib və 43 qol buraxıb.