“Obameyanq komandamıza əlavə güc qazandıracaq” – Kovaçiç

“Çelsi”nin yarımmüdafiəçisi Mateo Kovaçiç Pyer-Emerik Obameyanqın transferi ilə bağlı fikirlərini bölüşüb.

Komanda.az İngiltərə mətbuatına istinadən xəbər verir ki, Kovaçiç, qabonlu hücumçunun “Çelsi”yə keçidinə şad olduqlarını deyib:

“Deyə bilərəm ki, Obameyanq komandamıza əlavə güc qazandıracaq. O, keyfiyyətli qolçudur, bizdə çatışmayan futbolçudur. Son illər “Çelsi”də 20-25 qol vuran hücumçu yoxdur. Və ona qalib gəlmək lazımdır. Ona görə də, onun komandamıza gəlməsinə şadıq. Obameyanq özünü artıq sübut etmiş qolçudur. Ümid edirəm ki, o, “Çelsi”də yaxşı iş görəcək”.

Sentyabrın 2-də “Çelsi” “Barselona”dan Obameyanqın transferini rəsmən elan edib. “Zadəganlar” 33 yaşlı qabonlu üçün 12 milyon avro ödəyib.