Obameyanq Fransa klubu ilə anlaşıb

Liqa 1 təmsilçisi “Marsel” “Çelsi”dən Pyer-Emerik Obameyanqın transferi ilə bağlı razılığa gəlib.

Komanda.az xarici KİV-ə istinadən xəbər verir ki, 33 yaşlı qabonlu futbolçu “Marsel”ə keçməyə razılaşıb və 2026-cı ilə qədər nəzərdə tutulan müqavilə imzalayacaq. Londonlular hücumçunu pulsuz buraxacaq.

Obameyanqın çərşənbə axşamı Marselə gələcəyi və tibbi müayinədən keçəcəyi gözlənilir.

O, 2022/23 mövsümündə “zadəganlar”ın heyətində 15 oyuna çıxıb və 1 qol vurub.