“Mançester Yunayted” təkcə Messiyə qarşı oynamayacaq” – Sulşer

“Mançester Yunayted”in baş məşqçisi Ole-Qunnar Sulşer, Çempionlar Liqasının 1/4 final mərhələsinin ilk oyunları çərçivəsində “Barselona” ilə keçirəcəkləri matçdan əvvəl açıqlama verib.

Komanda.az xarici mətbuata istinadən xəbər verir ki, norveçli mütəxəssis, rəqibin futbolçusu Lionel Messi ilə bağlı danışıb:

“Mançester Yunayted” təkcə Messiyə qarşı oynamayacaq. Rəqibin heyətində Luis Suares, Filippe Koutinyo, Arturo Vidal kimi çox yaxşı futbolçular var. Buna görə də, yalnız bir futbolçuya köklənə bilmərik.

Messi fantastik bir futbolçudur. O, ən yaxşı futbolçulardan biri olaraq tarixə keçəcək. Onu dayandırmaq çətindir, amma mümkünsüz deyil”.

“Mançester Yunayted” – “Barselona” matçı bu gün, saat 23:00-da start götürəcək.