“O, Premyer Liqadakı təzyiqə dözə bilmədi” – Van Qal

“Mançester Yunayted”in sabiq baş məşqçisi Lui Van Qal İngiltərə təmsilçisinə transfer etdiyi futbolçularla bağlı açıqlama verib.

Komanda.az İngiltərə mətbuatına istinadən xəbər verir ki, 67 yaşlı mütəxəssis, “qırmızı şeytanlar”ın heyətində uğur qazanmadığı üçün onu günahlandıran Anxel Di Maria ilə bağlı danışıb:

“Di Maria bunun mənim problemim olduğunu deyir. Bununla razılaşmıram. Hücum xəttində bütün futbolçulardan istifadə etdim. O, Premyer Liqadakı təzyiqə dözə bilmədi. Onun problemi var idi.

Meydanda lider futbolçuya ehtiyac olduğundan, Bastian Şvaynştaygeri dəvət etdim, amma o da uğur qazanmadı”.

Di Maria 2014-2015-ci illərdə “Mançester Yunayted”in şərəfini qoruyub.