“O, millinin paltardəyişmə otağında liderlərdən biridir”

Fransalı yarımmüdafiəçi Orelyen Tuçameni yığma komandada kapitan sarğısı verilməyən Antuan Qrizmanın oyununu şərh edib.

Komanda.az “Atletico Universe”-yə istinadən xəbər verir ki, o, millidəki komanda yoldaşının paltardəyişmə otağında lider olduğunu deyib:

“Qrizmann komandamıza çox şey verir. O, millinin paltardəyişmə otağında liderlərdən biridir”.

Fransa millisinin yeni kapitanı Kilian Mbappedir.

Fransa yığması bu gün AÇ-2024-ün seçmə mərhələsi çərçivəsində səfərdə İrlandiya ilə qarşılaşacaq.