“O, komandanı daha təhlükəli etdi” – Levandovski

Almaniyanın “Bavariya” klubunun hücumçusu Robert Levandovski “Barselona”dan heyətə qatılan Filippe Koutinyo ilə bağlı açıqlama verib.

Komanda.az klubun “facebook” səhifəsinə istinadən xəbər verir ki, polşalı futbolçu, Koutinyonun Münhen təmsilçisini gücləndirdiyini deyib:

“Onun “Bavariya”ya gəlməsi ilə komandamız daha güclü oldu. O, komandanı daha təhlükəli etdi. Koutinyo ön mövqedə, solda və lazım gəlsə, sağda da oynaya bilir. Onun sayəsində müxtəlif taktiki sxemlərdən istifadə edə bilərik. İndi bizim daha çox seçimimiz var”.

Koutinyo 2019/20 mövsümünü icarə əsasında “Bavariya”da keçirəcək.