Vinisius qarşılaşdığı ən yaxşı müdafiəçinin adını açıqladı

“Real”ın hücumçusu Vinisius Junior “Mançester Siti”nin müdafiəçisi Kayl Uolkerin çıxışını yüksək qiymətləndirib.

Komanda.az xarici KİV-ə istinadən xəbər verir ki, brazilyalı forvard Uolkerin indiyə qədər qarşılaşdığı ən yaxşı müdafiəçi olduğunu bildirib:

“Biz həmişə Kayl Uolker kimi ən yaxşı oyunçulara qarşı oynamaq istəyirik. O, indiyə qədər qarşılaşdığım ən yaxşı müdafiəçidir. Bizim həmişə çox yaxşı matçlarımız olur”.

33 yaşlı Uolker bu mövsüm 37 oyuna çıxıb və 3 məhsuldar ötürmə edib.

“Real” Çempionlar Liqasının 1/4 finalında “Mançester Siti” ilə qarşılaşacaq.