“Bütün kubokları istəyirik” – “Barselona”nın futbolçusu

Çempionlar Liqasının yarımfinal mərhələsinin ilk oyunları çərçivəsində öz meydanında “Liverpul”a 3:0 hesabı ilə qalib gələn “Barselona”nın sol cinah müdafiəçisi Xordi Alba matçdan sonra açıqlama verib.

Komanda.az İspaniya mətbuatına istinadən xəbər verir ki, 30 yaşlı futbolçu, möhtəşəm oyun göstərdiklərini deyib:

“İlk hissədə mövsümün ən yaxşı oyunlarından birini göstərdik, amma ikinci hissədə “Liverpul” çox  yaxşı idi. Oyun ərzində çətinlik çəksək də, möhtəşəm qollar vuraraq, qələbə qazandıq. “Liverpul” çox təhlükəli və güclü komandadır.

Paltardəyişmə otağında böyük bir sevinc yox idi, çünki hələ cavab oyunu var. Həmin oyunda da qalib gəlmək istəyirik. Bu gün əldə etdiyimiz nəticə yaxşıdır, amma hələ bacarmağımız lazım olan şeylər var”.

Komandasına inandığını deyən ispan futbolçu, Lionel Messi haqqında da danışıb:

“Bu mövsüm komandama və özümə çox inanırdım, bütün kuboklar üçün mübarizə aparacağımızı bilirdim. Komanda olaraq hamımız bütün kubokları istəyirik.

Messi ilə bir-birimizi çox yaxşı başa düşürük. Artıq 7 ildir ki, birlikdə oynayırıq. O, futbol tarixinin ən effektiv futbolçularından biridir. Bir çox cəhətdən dünyanın ən yaxşısıdır.”