“Ümid edirəm ki, məşqçi kimi qarşılaşmağımız üçün ona çox vaxt lazım olmayacaq” – Simeone

İspaniyanın “Atletiko” klubunun baş məşqçisi Dieqo Simeone futbolçu karyerasını başa vuran Fernando Torreslə bağlı açıqlama verib.

Komanda.az İspaniya mətbuatına istinadən xəbər verir ki, vaxtilə “Atletiko”da da forma geyinmiş Torreslə bağlı danışan argentinalı mütəxəssis, onun futbolun əfsanəsi olduğunu bildirib:

“Fernando çox ağıllı bir futbolçu və futbolun əfsanəsidir. O, çalışqanlıq, fədakarlıq və başqalarına hörmətlə idman tarixində öz yerini qazandı. O, gözəl insan və futbolçudur”.

49 yaşlı mütəxəssis, Torresin mümkün məşqçilik karyerası ilə bağlı da danışıb:

“Düşünürəm ki, o, bu məsuliyyəti üzərinə götürmək üçün özünə vaxt ayıracaq. Ümid edirəm ki, məşqçi kimi qarşılaşmağımız üçün ona çox vaxt lazım olmayacaq”.