“O, gələcəkdə “Real”ı təmsil edəcək futbolçudur” – Ançelotti

“Real”ın baş məşqçisi Karlo Ançelotti komandanın yarımmüdafiəçisi Nikolas Pazın potensialından danışıb.

Komanda.az xarici KİV-ə istinadən xəbər verir ki, italiyalı mütəxəssis “Napoli” ilə matçın gənc futbolçu üçün xüsusi gecə olduğunu bildirib:

“Niko “Napoli” ilə oyunda komandaya çox kömək etdi. Onun üçün xüsusi bir axşam oldu. Sizi inandırıram ki, o, gələcəkdə “Real”ı təmsil edəcək futbolçudur. O, burada uzun illər oynamaq üçün lazım olan bütün keyfiyyətlərə malikdir”.

Çempionlar Liqasının qrup mərhələsinin 5-ci turunun “Napoli” ilə matçında 19 yaşlı yarımmüdafiəçi 84-cü dəqiqədə fərqlənib (4:2).