Emeri: “Bu nəticə bizi kədərləndirir”

“Aston Villa”nın baş məşqçisi Unay Emeri Premyer Liqanın 13-cü turunda “Çelsi”yə məğlubiyyəti (0:3) şərh edib.

Komanda.az xarici KİV-ə istinadən xəbər verir ki, o, bunu deyib:

“Bu nəticə bizi kədərləndirir. “Çelsi” getdikcə güclənir. Biz hələ istədiyimiz nəticələri əldə etmirik, lakin hər növbəti oyun qalibiyyət yoluna qayıtmaq şansıdır. Ümid edirəm ki, növbəti matçda qalib gələcəyik”.

“Aston Villa” İngiltərə Premyer Liqasının 13 turundan sonra 19 xal toplayıb və turnir cədvəlinin 12-ci pilləsində qərarlaşıb. Emerinin komandası lider “Liverpul”dan 15 xal geri qalır.