“Nyukasl”ın hədəfi – Eriksen

İngiltərənin “Brentford” klubunun yarımmüdafiəçisi Kristian Eriksen başqa komandaya keçə bilər.

Komanda.az İngiltərə mətbuatına istinadən xəbər verir ki, danimarkalı futbolçu ilə “Nyukasl” klubu maraqlanır. Klub rəhbərliyi Erikseni komandada görmək istəyir.

30 yaşlı futbolçunun “Brentford”la müqaviləsi cari mövsümün sonuna qədər nəzərdə tutulub.

Eriksenlə “Tottenhem”, “Everton” və “Vest Hem”in də maraqlandığı bildirilir.

AÇ-2020-nin Danimarka – Finlandiya matçında (0:1) huşunu itirən və daha sonra ürəyindən əməliyyat olunan Eriksenə kardioverter-defibrillyator (İCD) qoşulub. Kardioverter-defibrillyator nizamsız ürək ritmini tənzimləməyə kömək etmək üçün sinəyə qoyulan kiçik bir cihazdır. Cihaz ürəyin qəfildən dayanmasının da qarşısını alır.