“Nyukasl”ın futbolçusu Səudiyyə Ərəbistanı klubu ilə anlaşıb

“Nyukasl”ın yarımmüdafiəçisi Migel Almiron karyerasını Səudiyyə Ərəbistanında davam etdirməyə yaxındır.

Komanda.az yerli mətbuta istinadən xəbər verir ki, paraqvaylı futbolçunun “Əl-Şabab”a keçəcəyi gözlənilir.

29 yaşlı vingerin transferi ilə bağlı klublar arasında razılıq əldə olunub. Yaxın günlərdə keçidin rəsmiləşəcəyi gözlənilir.

“Nyukasl” Migel Almironu 2019-cu ilin yanvar ayında ABŞ-ın “Atlanta” klubundan transfer edib. Paraqvay millisinin üzvü bu mövsüm Premyer Liqa təmsilçisinin heyətində meydana çıxdığı 31 matçda 5 qol və 2 məhsuldar ötürmə ilə yadda qalıb.