“Nyukasl” “Mançester Siti”yə təklif göndərəcək

“Nyukasl” “Mançester Siti”nin yarımmüdafiəçisi Kelvin Fillipsi transfer etmək istəyir.

Komanda.az “The Sun”-a istinadən xəbər verir ki, “sağsağanlar” 27 yaşlı oyunçu üçün təklif göndərməyə hazırlaşırlar.

İngilis futbolçu AÇ-2024-də İngiltərə yığmasının heyətində yer almaq üçün daha çox oyun vaxtı əldə etmək istəyir, ona görə də, klubunu dəyişməyə hazırdır.

Fillips 2023/24 mövsümündə “şəhərlilər”in heyətində bütün yarışlarda 5 oyun keçirib. Onun klubla müqaviləsi 2028-ci ilin yayına kimi nəzərdə tutulub.