“Nyukasl”ı təriflədi, “Tottenhem”in müdafiəçisini tənqid etdi

“Liverpul”un keçmiş futbolçusu Cimi Karrager sosial şəbəkə hesabında paylaşım edib.

Komanda.az xəbər verir ki, o, İngiltərə Premyer Liqasının 32-ci turunun “Nyukasl” – “Tottenhem” (6:1) matçını dəyərləndirib:

“Nyukasl” cari mövsümü əla keçirir. “Tottenhem”in müdafiəçisi Pedro Porro bu mövsüm ilk dəfə bərbad çıxış etdi. Necə oldu ki, o, cinah oyunçusu İvan Perişiçlə birgə arxa xətdə mübarizə apardı?”

“Tottenhem” hazırda İngiltərə çempionatının turnir cədvəlində 53 xalla 5-ci, “Nyukasl” isə 59 xalla 3-cü pillədə qərarlaşıb.

Xatırladaq ki, “Tottenhem” martın 27-də Antonio Konteni istefaya göndərdiyini açıqlayıb. Komandanı bu mövsümün sonuna qədər Kristian Stellini çalışdıracaq. Ona Rayan Meyson kömək edəcək.