“Benfika” hücumçusunu ”Liverpul”a satmağa razılaşdı

“Benfika”nın hücumçusu Darvin Nunyes “Liverpul”a keçəcək.

Komanda.az xəbər verir ki, bu barədə Portuqaliya klubunun rəsmi saytı məlumat yayıb. Klub 22 yaşlı uruqvaylını 75 milyon avroya satmağa razılaşıb. Məbləğ müəyyən şərtlərlə 100 milyon avroya qədər artırıla bilər.

Futbolçunun “Liverpul”la sadəcə müqavilə imzalaması qalıb. Onun İngiltərə klubu ilə müqaviləsinin 2028-ci ilin yayına kimi hesablanacağı gözlənilir.

Nunyes 2021/22 mövsümündə “Benfika”nın heyətində 41 matçda 34 qol vurub və 4 məhsuldar ötürmə edib.

Bizi Telegramda izləyin