“Nüfuzlu turnirdə zəif çıxış etmək baha başa gəlir”

“Portu”nun futbolçusu Pepe UEFA Çempionlar Liqasının 1/8 final mərhələsinin “İnter”lə ilk oyununu (0:1) şərh edib.

Komanda.az xarici KİV-ə istinadən xəbər verir ki, o, cavab oyunu barədə fikirlərini bildirib:

“Yaxşı oynadıqdan sonra məğlub olmaq və onu qəbullanmaq çətindir. “İnter”i təbrik edirəm. Ümid edirəm ki, cavab oyununda özümüzü göstərə biləcəyik. Azı iki qol vurmaq üçün yaxşı şans yaratdıq. Nüfuzlu turnirdə zəif çıxış etmək baha başa gəlir.

Qələbə üçün mübarizə apara biləcəyimizi göstərdik. “İnter” yalnız qırmızı vərəqədən sonra bizi üstələdi. Həmin ana qədər matçın gedişatına məhz biz nəzarət edirdik. Topa sahib olmaqda üstün idik”.

“Portu” – “İnter” cütünün cavab qarşılaşması martın 14-də Portuqaliyada keçiriləcək.