Noyer millidə nə vaxta qədər oynayacaq?

“Bayern”in və Almaniya yığmasının qapıçısı Manuel Noyer 2026-cı il dünya çempionatına qədər milli komandada çıxışını davam etdirmək niyyətindədir.

Komanda.az xəbər verir ki, bu barədə “Kicker” nəşri məlumat yayıb.

Noyer 2024-cü il Avropa çempionatında 5 oyun keçirib, 4 qol buraxıb və 2 dəfə qapısını toxunulmaz saxlaya bilib.

38 yaşlı qolkiper Almaniya millisində 2009-cu ilin yayında debüt edib. O, milli komanda ilə birlikdə 2014-cü ildə dünya çempionu olmaqla yanaşı, 2010-cu il dünya çempionatının, 2012 və 2016-cı il Avropa çempionatlarının bürünc mükafatçısı olub.