Novruzov 90 dəqiqə oynadı, komandası…

Futbol üzrə Estoniya çemponatında 27-ci turun oyunları keçirilib.

Komanda.az xəbər verir ki, azərbaycanlı futbolçu Nurlan Novruzovun formasını geyindiyi “Narva Trans” da növbəti matçına çıxıb.

Sözügedən kollektiv səfərdə “Paide” ilə qarşılaşıb. Futbolçumuzun komandası bu oyundan məğlubiyyətlə ayrılıb – 2:4.

Novruzov da bu oyunun iştirakçısı olub. O, start heyətdə meydana çıxıb və sonadək mübarizə aparıb.

Qeyd edək ki, “Narva Trans” 10 komandalı çempionatda 27 turdan sonra 21 xalla 8-ci pillədə qərarlaşıb.