Nistelroy “Mançester Yunayted”i tənqid edənlər haqda danışdı

“Mançester Yunayted”in müvəqqəti baş məşqçisi Rud van Nistelroy komandanın ünvanına edilən tənqidlərlə bağlı fikirlərini bölüşüb.

Komanda.az xarici KİV-ə istinadən xəbər verir ki, o, tənqid edənlərin komandaya əhəmiyyət verdiyini söyləyib:

“Beləliklə, onlar kluba əhəmiyyət verirlər, “Mançester Yunayted”in yaxşı olmasını istəyirlər və işlər yolunda getməyəndə məyus olurlar. Mən bununla bağlı problem görmürəm. Biz hamımız öz işimizi görürük, onların öz fikirləri var. Bu, tamamilə normaldır”.

Uğursuzluqlardan sonra “qırmızı şeytanlar” tez-tez mütəxəssislər tərəfindən tənqid olunur. Bunlardan bəziləri isə Pol Skoulz və Qari Nevill kimi komandanın keçmiş oyunçularıdır.