Van de Bek “Ayaks”dan ayrılır

Niderlandlı futbolçu Donni Van de Bek “Ayaks”dan ayrılmağa hazırlaşır.

Komanda.az xəbər verir ki, 23 yaşlı yarımmüdafiəçi bir neçə klubla transfer danışıqları aparır. Bu barədə “Ayaks”ın baş məşqçisi Erik ten Haq “Ayntraxt”la yoxlama oyunundan sonra “De Telegraaf” nəşrinə açıqlamasında deyib:

“Donninin oyunda olmaması çox şeydən xəbər verir. Bir neçə klub onun oynamaması üçün xahiş etdi. Van de Bekin bir kluba transferiylə bağlı ilkin danışıqlar gedir”.

Donni Van de Bekin “Barselona”ya transfer olunacağı gözlənilir.