“Fənərbaxça” Niderland millisinin hücumçusunu “qaralayıb”

Niderland millisinin və “Atletiko”nun hücumçusu Memfis Depay yay transfer pəncərəsində komandasını dəyişə bilər.

Komanda.az “Todofichajes”-ə istinadən xəbər verir ki, niderlandlı futbolçunun xidmətində portuqaliyalı mütəxəssis Joze Mourinyonun baş məşqçisi olduğu “Fənərbaxça” maraqlıdır.

Depay ötən mövsüm İspaniya çempionatında 23 oyunda iştirak edib. O, bu matçlarda 5 qol vurub və 1 məhsuldar ötürmə edib.

30 yaşlı forvard hazırda Niderland millisinin heyətində AÇ-2024-də çıxış edir.