Neymarın əməliyyatı uğurlu keçib

“Əl-Hilal”ın hücumçusu Neymar dizindən uğurla əməliyyat olunub.

Komanda.az xəbər verir ki, braziliyalı futbolçu bu barədə sosial şəbəkə hesabında paylaşım edib:

“Hər şey yaxşı keçdi, dəstəyinizə görə təşəkkür edirəm. İndi bütün diqqətimi sağalmağa yönəldəcəm”.

31 yaşlı futbolçuya çarpaz bağın yırtılması və meniskin cırılması diaqnozu qoyulub.

Neymar bu yay PSJ-dən Səudiyyə Ərəbistanının “Əl-Hilal” klubuna keçib. O, komandanın heyətində 5 oyun keçirib, 1 qol vurub, 3 məhsuldar ötürmə edib.