Neymardan Səudiyyə Ərəbistanı çempionatı haqqında açıqlama

“Əl-Hilal”ın hücumçusu Neymar Səudiyyə Ərəbistanı çempionatındakı çıxışından gözləntilərini bölüşüb.

Komanda.az ESPN-ə istinadən xəbər verir ki, braziliyalı futbolçu yüksək səviyyəli rəqiblərlə qarşılaşacağına görə həvəsli olduğunu deyib:

“Mən Kriştiano Ronaldo, Kərim Benzema, Roberto Firmino kimi yüksək səviyyəli rəqiblərlə qarşılaşacam. Bu, çox həvəsləndiricidir və sizi maksimum dərəcədə oynamağa vadar edir “.

Neymar 90 milyon avro təzminat qarşılığında PSJ-dən “Əl-Hilal”a keçib. Braziliyalı futbolçunun Səudiyyə Ərəbistanı klubu ilə müqaviləsi 2025-ci ilin yayına kimi nəzərdə tutulub.