Neymardan Mbappe ilə bağlı həmyerlilərinə xəbərdarlıq

Səudiyyə Ərəbistanının “Əl-Hilal” klubunun hücumçusu Neymar “Real”ın braziliyalıları ilə fransalı hücumçu Kilian Mbappenin birgə oyununu müzakirə edib.

Komanda.az “Football News”-a istinadən xəbər verir ki, 32 yaşlı futbolçu “Real”dakı həmyerlilərinə Mbappe haqqında məlumat göndərib və orada onunla birlikdə oynamağın cəhənnəm olduğunu vurğulayıb.

Neymar və Mbappe 2017-2023-cü illərdə PSJ-də birgə çıxış edib. “Real”ın braziliyalı oyunçuları Kilian ilə dostdurlar. Neymarla Mbappe arasında isə həmişə münaqişə olub.

Braziliyalı forvard hazırda Səudiyyə Ərəbistanında, fransalı hücumçu isə “Real”da çıxış edir.