Neymar Vinisiusu təbrik etdi

“Əl-Hilal”ın hücumçusu Neymar “ən yaxşı” mükafatını qazanması münasibətilə Vinisius Junioru təbrik edib.

Komanda.az xəbər verir ki, braziliyalı futbolçu sosial şəbıkə hesabındakı paylaşımında Vinisiusun buna layiq olduğunu bildirib:

“Təbrik edirəm, Vinni. Sən buna layiqsən. Mən sənin üçün çox xoşbəxtəm. İşinə davam et”.

“Real”ın futbolçusu mükafatını dünən keçirilən mərasimdə alıb. O, ötən mövsümün ən yaxşı oyunçusu seçilib.

Səsvermədə ikinci yeri “qızıl top”un hazırkı sahibi Rodri Hernandes (“Mançester Siti”) tutub. “Real”ın yarımmüdafiəçisi Çud Bellingem üçüncü olub. Dördüncü yeri Vinisiusun digər komanda yoldaşı Daniel Karvahal tutub. İlk beşliyi “Barselona”dan olan 17 yaşlı Lamin Yamal tamamlayıb.