Neymara süni örtüklü meydança qadağası

“Santos”un futbolçusu Neymar komandasının süni ot örtüyündə keçiriləcək bütün oyunlarını buraxacaq.

33 yaşlı hücumçu vətəninə qayıtdıqdan sonra bir neçə dəfə zədələnib və klub onun yenidən mütəmadi sıradan çıxmasını istəmir.

Komanda.az “Jornal A Tribuna”-ya istinadən xəbər verir ki, süni örtük Neymarın diz və oynaqlarında ağrı yaratdığı üçün “Santos” belə qərar verib.

Braziliyalı forvard bu ilin yanvarında “Santos”a qayıdıb. “Barselona”nın və PSJ-nin sabiq futbolçusu mövsüm ərzində 20 oyuna çıxıb, 6 qol vurub və 3 məhsuldar ötürmə verib.