Dünyanın 10 milyarder idmançısı – SİYAHI

“Əl-Hilal”ın hücumçusu Neymar karyerasında 1 milyard dollar qazanıb.

Komanda.az “Transfer News Live”-ə istinadən xəbər verir ki, peşəkar səviyyədə çıxış etdiyi vaxtdan bəri braziliyalı forvard 933,2 milyon avro (1,01 milyard dollar) qazanıb. Bu məbləğə maaşlar, sponsorluq müqavilələri və digər gəlir mənbələri daxildir.

32 yaşlı futbolçu karyerasında bu məbləği qazana bilən 10-cu idmançı olub.

Neymar bu mövsüm 5 matça çıxıb, 1 qol vurub və 3 məhsuldar ötürmə edib. Onun Səudiyyə Ərəbistanı klubu ilə müqaviləsi 2025-ci ilin iyunun sonuna kimidir.

Bundan əvvəl mətbuat hücumçunun 2025-ci ildə doğma klubu “Santos”a dönəcəyini yazmışdı. O, hazırda zədəsini sağaldır.

Milyarder idmançıların tam siyahısı:

1. Maykl Cordan (ABŞ, basketbol) – 2,7 milyard dollar
2. Tayqer Vuds (ABŞ, qolf) – 1,85 milyard dollar
3. Kriştiano Ronaldo (Portuqaliya, futbol) – 1,57 milyard dollar
4. Lebron Ceyms (ABŞ, basketbol) – 1,36 milyard dollar
5. Lionel Messi (Argentina, futbol) – 1,36 milyard dollar
6. Rocer Federer (İsveçrə, tennis) – 1,17 milyard dollar
7. Floyd Meyvezer (ABŞ, boks) – 1,14 milyard dollar
8. Devid Bekhem (Böyük Britaniya, futbol) – 1,13 milyard dollar
9. Fil Mikkelson (ABŞ, qolf) – 1,05 milyard dollar
10. Neymar (Braziliya, futbol) – 1,01 milyard dollar