“Neymar qayıtdı”

Dizindəki zədə səbəbindən ötən mövsümün böyük hissəsini buraxan braziliyalı hücumçu Neymar yaşıl meydana qayıtmağa yaxındır.

Komanda.az “Əl-Hilal”ın mətbuat xidmətinə istinadən xəbər verir ki, Səudiyyə Ərəbistanı klubu sosial şəbəkədəki paylaşımında “Neymar qayıtdı” yazıb.

32 yaşlı forvard keçən ilin oktyabrından çarpaz bağlarının qopması səbəbindən müalicə alırdı.

Neymar 2023-cü ilin yayında “Əl-Hilal”ın sıralarına qoşulub. O, bu komandayla 5 oyun keçirib, 1 qol vurub və 3 məhsuldar ötürmə edib.