Agent Neymarın “Barselona”nı tərk etməsinin “sirr”ini açıqladı

Neymar 2017-ci ildə “Barselona”dan ayrılaraq rekord məbləğ – 222 milyon avro qarşılığında PSJ-yə keçdi.

Komanda.az xarici KİV-ə istinadən xəbər verir ki, agent Andre Kürinin dediyinə görə, braziliyalı futbolçunun qərarına UEFA Çempionlar Liqasında 6:1 hesabı ilə başa çatan “Barselona” – PSJ matçı böyük təsir göstərib:

“Neymar “Barselona”dan ayrıldı, çünki Messi PSJ üzərində 6:1 hesablı qələbədən sonra xəbər manşetlərində idi. Baxmayaraq ki, Neymar da oyunda mühüm rol oynamışdı. Neymar Messini o qədər sevir ki, onunla rəqabət aparmaq istəmirdi”.

Neymar 2023-cü ilin avqust ayına qədər PSJ-də çıxış edib, sonra Səudiyyə Ərəbistanının “Əl-Hilal” klubuna keçib.