“Barselona”nın hədəfindəki futbolçu – “İmkanlardan istifadə etməliyik”

“Barselona”nın transfer hədəflərindən olan “Vulverhempton”un yarımmüdafiəçisi Ruben Neves gələcəyi ilə bağlı danışıb.

Komanda.az “Football Espana”-ya istinadən xəbər verir ki, portuqaliyalı futbolçu, əlində olan imkanlardan istifadə etməli olduğunu deyib:

“Futbolçu karyerası çox qısadır. Əlimizdə olan imkanlardan istifadə etməliyik. Təbii ki, hər birimizin qısa müddətli futbolçu karyerası ərzində həyata keçirilməli olan arzuları var. Gəlin, görək bundan sonra nə olacaq. Gələcək haqqında çox şey deyə bilmərəm”.

25 yaşlı Neves ötən mövsüm bütün turnirlərdə 36 matçda 4 qol vurub və 2 məhsuldar ötürmə verib. Yarımmüdafiəçinin “Vulverhempton”la müqaviləsi 2024-cü ildə başa çatır.