“Netflix”in filmi ərlə arvadı qarşı-qarşıya qoydu

Britaniyalı müğənni və İngiltərə millisinin keçmiş yarımmüdafiəçisi Devid Bekhemin həyat yoldaşı Viktoriya “Netflix”in sənədli filmində əri və özü haqqında danışıb.

Komanda.az xarici KİV-ə istinadən xəbər verir ki, Viktoriyanın “İkimiz də çox işləyən ailələrdə böyümüşük. Biz işçi sinfiyik” sözlərinə Bekhem maraqlı reaksiya verib.

Onun bu sözlərini eşidən Bekhem qonşu otaqdan çölə baxıb və deyib: “Dürüst ol!”

Viktoriya dürüst danışdığını deyəndə, keçmiş futbolçu ondan soruşub: “Atan səni məktəbə hansı maşınla aparırdı?”

Sonra onların arasında belə bir dialoq yaranıb:

Viktoriya: “Atam bunu edirdi…”
Devid: “Xeyr. Bir cavab ver”.
Viktoriya: “Atam…”
Devid: “Bu necə maşın idi?”
Viktoriya: “Bu asan cavab deyil”.
Devid: “Atan səni məktəbə hansı maşınla aparıb?”
Viktoriya: “Bu, nə haqda danışdığımızdan asılıdır”.
Devid: “Yox, yox, yox! Cavab ver”.
Viktoriya: “Yaxşı. Atamın 80-ci illərdə “Rolls-Royce” avtomobili var idi”.

Bekhem bundan sonra “təşəkkür edirəm” deyərək, qapıdan çəkilib.

Viktoriya və Devid 1999-cu ildə evləniblər. Cütlüyün dörd övladı var.

Bekhem futbolçu kimi “Mançester Yunayted”, “Real”, “Milan”, PSJ klublarında çıxış edib. O, 2013-cü ildə, 38 yaşında futbolçu karyerasını bitirib.