“Neftçi”nin “Zenit”lə yoldaşlıq oyununun tarixi və məkanı məlum olub

“Neftçi”nin “Zenit”lə (Rusiya) keçirəcəyi yoldaşlıq oyununun tarixi və məkanı məlum olub.

Komanda.az “ağ-qaralar”ın mətbuat xidmətinə istinadən xəbər verir ki, qarşılaşmanın noyabrın 18-də, “Neftçi Arena”da təşkili planlaşdırılır.

“Neftçi” yayda Sankt-Peterburqda təşkil olunan “Matç TV” turnirində “Zenit”lə yanaşı, Serbiyanın “Srvena Zvezda” və Türkiyənin “Fənərbaxça” komandaları ilə üz-üzə gəlib. Paytaxt komandası daha sonra Moskva “Spartak”ı ilə yoxlama oyunu keçirib.