“Neftçi”nin yetirməsi “Araz-Naxçıvan”da – Rəsmi

“Araz-Naxçıvan” heyətini “Neftçi”nin yetirməsi ilə gücləndirib.

Naxçıvan klubundan Komanda.az-a verilən məlumata görə, komanda Ramin Nəsirli ilə anlaşıb.

21 yaşadək futbolçulardan ibarət Azərbaycan millisinin də üzvü olan sağ cinah yarımmüdafiəçisi ilə 6 ay+1 il şərti ilə müqavilə imzalanıb.

“Neftçi”nin yetirməsi olan Nəsirli Latviyanın güclülər dəstəsində çıxış edən “Dauqavpils” klubunda bir müddət legioner həyatı yaşayıb. 2023-cü ilin fevralında bu kluba keçən futbolçu ötən ay geri dönüb.

“Araz-Naxçıvan” bir neçə gün əvvəl qış transfer dövründə İldar Alekperovu “Sabah”dan icarəyə götürüb.