“Neftçi”nin yetirməsi Latviya klubunda

“Neftçi” PFK futbolçu Asim Əlizadəni icarəyə verib.

Komanda.az xəbər verir ki, anlaşmaya əsasən, “Neftçi”nin yetirməsi olan 22 yaşlı yarımmüdafiəçi mövsümün sonuna, yəni noyabrın 20-dək Latviyanın “Dauqavpils” klubunda çıxış edəcək.

“Neftçi-2”nin aparıcı futbolçularından olmuş Əlizadə əsas komandanın heyətində ötən mövsüm 1, bu mövsüm 2 rəsmi oyunda meydana çıxıb. O, U-21 milli komandamızın üzvüdür.