“Neftçi”nin yeniyetmə futbolçuları “Beşiktaş”ın məşqini izləyiblər

“Neftçi”nin 17 yaşadək futbolçuları Türkiyənin “Beşiktaş” klubunun əsas komandası ilə görüşüblər.

Komanda.az İstanbul təmsilçisinin rəsmi saytına istinadən xəbər verir ki, görüşdə “qara qartallar”ın baş məşqçisi Ole-Qunnar Sulşer, Bakı klubunun idman direktoru Zaur Əzizov da iştirak ediblər.

Yeniyetmə oyunçular, “Neftçi” rəsmiləri əsas komandanın məşqini izləyiblər. Sulşer və Zaur Əzizov bir-birilərinə klublarının formalarını hədiyyə ediblər.

“Neftçi”nin U-17 komandası Türkiyədə beynəlxalq turnirdə iştirak edir