“Neftçi”nin yeni prezidenti təqdim edildi

“Neftçi” klubunun yeni prezidenti (baş icraçı direktoru) mediaya təqdim edilib.

Komanda.az xəbər verir ki, Fərrux Mahmudov “Neftçi”nin Müşahidə Şurasının sədri, SOCAR-ın prezidenti Rövşən Nəcəf tərəfindən təqdim olunub.

Rövşən Nəcəf Fərrux Mahmudova fəaliyyətində uğurlar arzulayıb.

Mahmudov klubun inkişaf istiqamətləri barədə məlumat verib:

“Klubun fəaliyyəti ilə bağlı 4 istiqamət müəyyənləşdirilib. Bunlar idman tərəfi, doğru idarəetmə, maliyyə resursları, azarkeşlərlə düzgün kommunikasiyanın qurulmasıdır. Bütün bunlar təmin edildikdən sonra klubun fəaliyyətində dönüş yaranacağına ümid edirik”.